Aflinn

Persónuverndarstefna

Síðast uppfært 16. október 2026

Aflinn safnar saman sjávarútvegsfréttum og opinberum tölum á vef og í appi. Við söfnum eins litlu af persónuupplýsingum og hægt er. Hér er sagt frá því hvað er unnið, af hverju og hvaða rétt þú átt, í samræmi við lög nr. 90/2018 um persónuvernd og vinnslu persónuupplýsinga og almennu persónuverndarreglugerðina (GDPR).

Ábyrgðaraðili

Það sem vistast aðeins í tækinu þínu

Vefurinn og appið muna stillingar þínar í tækinu sjálfu (localStorage í vafranum): valinn fréttaflokk, hvort þú skoðar íslenskar eða erlendar fréttir, vaktlista, verðviðvaranir og hvort þú leyfir tilkynningar. Þessar upplýsingar eru aldrei sendar til okkar eða annarra. Þú eyðir þeim með því að hreinsa gögn vafrans fyrir vefinn eða fjarlægja appið.

Verðviðvaranir eru bornar saman við uppboðsverð í tækinu sjálfu og tilkynningarnar verða til þar. Ekkert er sent frá tækinu til að þær virki.

Aflinn notar engar vafrakökur og engin auglýsinganet sem rekja notendur.

Netþjónaskrár hjá hýsingaraðila

Vefurinn er hýstur hjá Vercel Inc. Eins og hjá öllum hýsingaraðilum skrá netþjónar Vercel tæknilegar upplýsingar um hverja heimsókn: IP-tölu, tíma, hvaða síða var sótt og upplýsingar um vafra. Þetta er nauðsynlegt til að afhenda síðuna og verjast misnotkun.

• Lagagrundvöllur: lögmætir hagsmunir af því að reka öruggan vef (f-liður 1. mgr. 6. gr. GDPR).
• Vinnsluaðili: Vercel Inc. í Bandaríkjunum. Miðlun þangað byggir á stöðluðum samningsskilmálum ESB í vinnslusamningi Vercel.
• Varðveisla: skrárnar eru geymdar í skamman tíma samkvæmt skilmálum Vercel og við notum þær ekki til að greina einstaka notendur.

Leturgerðir og allar aðrar skrár vefsins eru sóttar frá okkar eigin léni, svo engar upplýsingar fara til þriðju aðila eins og Google þegar þú opnar síðuna.

Umferðarmæling

Til að vita hversu margir lesa Aflann notum við Vercel Web Analytics. Mælingin notar engar vafrakökur og vistar ekkert í tækinu þínu. Skráð er hvaða síða var skoðuð, hvaðan gesturinn kom (t.d. leitarvél), land, tegund tækis, stýrikerfi og vafri. IP-tala er ekki geymd; heimsóknir eru taldar með nafnlausu kennimerki sem er eytt eftir sólarhring. Við sjáum aðeins samanteknar tölur og getum ekki rakið þær til einstaklinga.

• Tilgangur: að mæla lestur og sýna auglýsendum samanteknar umferðartölur.
• Lagagrundvöllur: lögmætir hagsmunir (f-liður 1. mgr. 6. gr. GDPR).
• Vinnsluaðili: Vercel Inc., sjá kaflann um hýsingu hér fyrir ofan.

Fyrirspurnir um auglýsingar

Ef þú sendir fyrirspurn af auglýsingasíðunni fáum við nafn, fyrirtæki, netfang, síma ef þú gefur hann upp og skilaboðin.

• Tilgangur: að svara fyrirspurninni og gera samning um auglýsingu.
• Lagagrundvöllur: ráðstafanir að beiðni þinni áður en samningur er gerður (b-liður 1. mgr. 6. gr. GDPR).
• Vinnsluaðili: fyrirspurnin er send okkur í tölvupósti í gegnum þjónustuna Web3Forms, eða beint úr þínu póstforriti.
• Varðveisla: fyrirspurnum sem leiða ekki til viðskipta er eytt innan 12 mánaða. Upplýsingar um auglýsendur eru geymdar eins lengi og bókhaldslög krefjast.

Tenglar á aðra vefi

Fréttir á Aflanum opnast hjá viðkomandi miðli, til dæmis mbl.is, Vísi eða RÚV. Þegar þú smellir á frétt gilda persónuverndarstefna og vafrakökur þess miðils. Auglýsingar á Aflanum eru venjulegir tenglar á vef auglýsandans.

Réttindi þín

Þú átt rétt á að fá að vita hvaða upplýsingar við höfum um þig, fá þær leiðréttar eða þeim eytt, takmarka vinnslu og andmæla henni. Sendu okkur línu á jonaselvar@grofin.is og við svörum innan mánaðar.

Ef þú telur að vinnslan brjóti gegn lögum getur þú kvartað til Persónuverndar.

Breytingar

Stefnan verður uppfærð þegar ný þjónusta bætist við, til dæmis morgunpóstur í tölvupósti eða tilkynningar sem berast þótt appið sé lokað. Dagsetningin efst sýnir hvenær hún breyttist síðast.